وصل کی شب ہائے بے حد دل کی بے تابی رہی

وصل کی شب ہائے بے حد دل کی بے تابی رہی

(شیخ ابوسعید محمدی صفوی)

وصل کی شب ہائے بے حد دل کی بے تابی رہی

تشنگی ہی تشنگی تھی گرچہ سیرابی رہی

گو جنوں کے فیض سے عالم کی شادابی رہی

صاحبان حال کی ہر چند نایابی رہی

گل توگل خاروں نے بھی چوما قدم کو بار بار

کل جنون شوق میں وہ شان اعرابی رہی

سعیٔ بے حاصل سمجھ کربڑھ گئے اہل عقول

حاصل درہائے مقصود اپنی غرق آبی رہی

دم بخود تھے ماہ و انجم محو حیرت تھی فضا 

یوں اثر انداز ان پر میری بے خوابی رہی

وسعت لا انتہا کی جستجو میں گرم رو

یم بیم دریا بدریا موج سیلابی رہی

بس اسی کے دم سے قائم ہے نظام کائنات 

جس کا دن تاریک جس کی رات مہتابی رہی

*****