جمال خسر و خوباں مرے دل سے کوئی پوچھے

جمال خسر و خوباں مرے دل سے کوئی پوچھے

(شیخ ابوسعید محمدی صفوی)

جمال خسر و خوباں مرے دل سے کوئی پوچھے

تجلی رخ جاناں مرے دل سے کوئی پوچھے 

یہ اعجاز جنوں ہے یا کمال تیرِ مژگاں ہے 

کہ درد اپنا ہوا درماں مرے دل سے کوئی پوچھے

کیا جب سے جمال یار نے پردہ نگاہوں سے

ہوا ہے اور بھی عریاں مرے دل سے کوئی پوچھے

ہوا کیوں ناصحِ مشفق مئے ومیخانہ کا عاشق

لٹا کر دین اور ایماں مرے دل سے کوئی پوچھے

نہ پوچھو کیفیت اس کی چڑھی کیوں پڑھ کے سرمستی

کتابِ عارضِ جاناں مرے دل سے کوئی پوچھے

وہ یکتا ہے امیروں میں ، یگانہ ہے فقیروں میں

سعیدِ بیخود و حیراں مرے دل سے کوئی پوچھے

*****