اسی پردے میں وہ جان جہاں ہے

اسی پردے میں وہ جان جہاں ہے 

(شیخ ابوسعید محمدی صفوی)

اسی پردے میں وہ جان جہاں ہے 

کہ جس کا ہر طرف جلوہ عیاں ہے

عجب کیا گر اناالحق بول اٹھوں

مرا نطق و بیاں اس کی زباں ہے

یہی قرب نوافل کا نشاں ہے

کلام حق ہے اور میری زباں ہے

اسی کو آخری منزل نہ سمجھو

کہ یہ اول مکاں وہ لامکاں ہے

وہ مجھ میں با خدا موجود ہے یوں ہی 

کہ میر اجسم باقی ہے نہ جاں ہے

سعیدؔ اللہ ہے اب میں کہاں ہوں

مرا نام و نشاں وہم گماں ہے

*****